ملک میں فی تولہ سونے کی قیمت میں مزید اضافہ ہوگیا ہے، فی تولہ سونے کی قیمت میں 6 ہزار500 روپے کا اضافہ ہوا ہے، جس کے باعث فی تولہ سونے کی قیمت 2 لاکھ 9 ہزار روپے ہوگئی ہے۔ صرافہ ایسوسی ایشن کراچی کے مطابق عالمی مارکیٹ میں سونے کی قیمت میں کمی کے باوجود پاکستان میں سونے کی قیمت میں اضافہ ہوگیا ہے۔عالمی مارکیٹ میں سونا 2 ڈالر کم ہوکر 1928 ڈالر کا فی اونس ہوگیا ہے۔ لیکن ڈالر کی قیمت بڑھنے سے ملک میں سونے کی قیمت مزید بڑھ گئی ہے۔ فی تولہ سونے کی قیمت میں مزید 6 ہزار500 روپے کا اضافہ ہو گیا ہے، جس کے باعث فی تولہ سونے کی قیمت 2 لاکھ 9 ہزار روپے ہوگئی ہے۔ اسی طرح 10گرام سونے کی قیمت میں 5 ہزار574 روپے کا اضافہ ہوا ہے۔https://imasdk.googleapis.com/js/core/bridge3.553.0_en.html#goog_1154952837
جس کے ساتھ 10 گرام سونے کی قیمت ایک لاکھ 79 ہزار184 روپے ہوگئی ہے۔ملک میں جاری ڈالر بحران پر قابو پانے کے لیے ایکس چینج کمپنیز آف پاکستان نے حکومت کو ماہانہ ایک ارب ڈالر لانے کی پیشکش کردی ہے۔ ایکس چینج کمپنیز ایسوسی ایشن کے چئیرمین ملک محمد بوستان نے نجی ٹی وی کو بتایا کہ مقامی ایکس چینج کمپنیاں بیرونی ممالک سے ماہانہ ایک ارب ڈالر ملک میں لانے کی صلاحیت رکھتی ہیں، جو اوورسیز پاکستانیوں اور کمپنیوں سے دوسال کے ادھار پر حاصل کیا جاسکتا ہے۔انہوں نے بتایا کہ ایکس چینج کمپنیاں اس ضمن میں وفاقی حکومت کی اجازت کی طلب گار ہیں، ملک بوستان نے بتایا کہ مقامی ایکسچینج کمپنیوں نے 1998 کے ڈالر بحران کے دوران بھی بیرونی ممالک سے پاکستان کے لیے 10ارب ڈالر کا بندوبست کیا تھا۔ انہوں نے بتایا کہ ڈالر بحران کی بڑی وجہ بغیر ایل سی واجازت کے 4 ارب ڈالر کی درآمدات ہیں، درآمدکنندگان کو مطلوبہ پیشگی اجازت کے بعد اپنے درآمدی کنسائمنٹس کی شپمنٹ منگوانی چاہئے تھی۔ ملک بوستان نے کہا کہ کیپ ختم کرنے سے ڈالر اپنی حقیقی قیمت پر آگیا ہے لہذا برآمدی شعبوں کو چاہیے کہ وہ بیرونی ممالک روکے ہوئے 8 سے 10ارب ڈالر کی برآمدی آمدنی کی ترسیلات بیرونی ممالک میں ہیں جو اب ڈالر ریٹ بڑھنے سے پاکستان میں لائے جاسکتے ہیں۔
