گلگت بلتستان میں ایک اور سیاح خاندان لاپتہ ہونے پر لواحقین نے حکومت سے رابطہ کر لیا۔
ڈی سی دیامر کا کہنا ہے کہ کےٹو ٹی وی کی اینکر شبانہ لیاقت شوہر اور 4 بچوں سمیت لاپتہ ہے جن کی تلاش جاری ہے۔
عینی شاہدین کا کہنا ہے کہ 10 سے 15 افراد شاہراہ بابوسر میں سیلابی ریلے میں بہہ گئے ہیں۔
انتظامیہ کے مطابق شاہراہ بابوسر سے 7 لاشیں نکالی جا چکی ہیں اور دیگر کی تلاش جاری ہے جن کی سراغ رساں کتوں اور ڈرونز کی مدد سے تلاش کی جارہی ہے۔
ڈپٹی کمشنر دیامر نے تھک نالہ کا دورہ اور ریسکیو کارروائیوں کا جائزہ لیا۔ ڈی سی دیامر نے نقصانات کاجائزہ لینے کیلئے ڈرون سروے بھی کیا۔
کمشنر دیامر استور ڈویژن خورشید عالم نے تھور کا دورہ کر کے نقصانات کا جائزہ لیا۔ وفاقی سیکریٹری مواصلات نے کل تک سڑک کھولنےکی ہدایت کی ہے۔
چلاس تھک بابوسر سیلاب میں لاپتہ سیاحوں کیلئے سرچ آپریشن جاری ہے۔ متاثرین میں 84خیمے، 84کچن سیٹ، 10 فوڈ پیکٹ اور 10 رضائیاں تقسیم کی گئیں۔
