پاکستان تحریک انصاف پنجاب کے نائب صدر اور معروف سیاسی و سماجی شخصیت انجینیئر افتخار چودھری نے موضع ہلی اپر خانپور کے ممتاز سیاسی و سماجی رہنما جناب ظہور عباسی کے والد محترم اور بانڈی کے بزرگ روحانی خانوادے سے تعلق رکھنے والے پیر عابد گیلانی کے بھائی پیر واجد کی وفات پر گہرے رنج و غم کا اظہار کیا ہے۔
انہوں نے کہا کہ والد یا بھائی جیسی عظیم ہستی کا دنیا سے رخصت ہو جانا ایسا سانحہ ہے جسے الفاظ میں بیان کرنا ممکن نہیں۔ والد کی دعائیں، شفقت اور رہنمائی زندگی کا سب سے قیمتی اثاثہ ہوتی ہیں جبکہ بھائی کا ساتھ ایک ایسا رشتہ ہے جو عمر بھر کا سہارا ہوتا ہے۔ دونوں شخصیات کی وفات سے صرف خاندان نہیں بلکہ پورا علاقہ سوگوار ہے۔
انجینیئر افتخار چودھری نے ظہور عباسی کے والد مرحوم کو بااخلاق، شریف النفس اور باوقار انسان قرار دیا جنہیں علاقے میں عزت و احترام کی نگاہ سے دیکھا جاتا تھا۔ اسی طرح انہوں نے پیر واجد کے انتقال کو بھی ایک ناقابلِ تلافی نقصان قرار دیتے ہوئے کہا کہ پیر عابد گیلانی جیسے مخلص اور نظریاتی ساتھی کا دکھ انصافی برادری کا بھی دکھ ہے۔
انہوں نے کہا کہ ان شاء اللہ وہ جلد ہی بالمشافہ تعزیت کے لیے متاثرہ خاندانوں سے ملاقات کریں گے اور مرحومین کے لیے خصوصی دعا کریں گے۔ آخر میں انجینیئر افتخار چودھری نے دعا کی کہ اللہ رب العزت دونوں مرحومین کو جنت الفردوس میں اعلیٰ مقام عطا فرمائے اور پسماندگان کو صبر جمیل دے
