فیڈریشن آف پاکستان چیمبرز آف کامرس اینڈ انڈسٹری (FPCCI) نے پاکستان آبزرور کے چیئرمین و سی ای او فیصل زاہد ملک کو سال 2026 کے لیے FPCCI کی مرکزی قائمہ کمیٹی برائے میڈیا براڈکاسٹنگ کا کنوینر مقرر کر دیا ہے۔اس حوالے سے جاری کردہ باضابطہ نوٹیفکیشن کے مطابق فیصل زاہد ملک کو اختیار دیا گیا ہے کہ وہ ملک بھر سے میڈیا براڈکاسٹنگ کے شعبے سے تعلق رکھنے والے کم از کم نو پیشہ ور اور تجربہ کار افراد کو اپنی کمیٹی میں شامل کریں۔ انہیں ہدایت کی گئی ہے کہ نامزدگی کے 30 دن کے اندر کمیٹی کا اجلاس منعقد کریں جبکہ سہ ماہی بنیادوں پر اجلاس اور کارکردگی رپورٹ FPCCI سیکریٹریٹ کو پیش کی جائے گی۔FPCCI کے صدر عاطف اکرام شیخ کی جانب سے جاری خط میں کہا گیا ہے کہ کمیٹی کی کارکردگی کو سہ ماہی بنیادوں پر جانچا جائے گا اور فعال کردار نہ ہونے کی صورت میں کنوینرشپ واپس بھی لی جا سکتی ہے۔ خط میں اس عزم کا اظہار کیا گیا ہے کہ کمیٹی FPCCI سیکریٹریٹ کے ساتھ قریبی رابطے میں رہتے ہوئے میڈیا براڈکاسٹنگ کے شعبے میں مؤثر تجاویز اور اقدامات سامنے لائے گی۔
