وزیر اعلی گلگت بلتستان خالد خورشید نے پہاڑوں کے عالمی دن کے موقع پر ایک بیان میں کہا ہے کہ گلگت بلتستان قدرتی حسن سے مالا مال ہے، یہاں دنیا کے تین عظیم پہاڑ قراقرم، ہمالیہ اور ہندوکش کے ملاپ کا دلفریب منظر جاذب نظر آتا ہے، گلگت بلتستان میں 26 ہزار فٹ سے بلند چوٹیاں موجود ہیں جو پوری دنیا کے لیے کشش کا باعث ہیں،پہاڑوں کے قدرتی حسن کو برقرار رکھنے کے لئے تحریک انصاف کی وفاقی اور صوبائی حکومت ہر ممکن اقدامات کررہی ہے، محدود وسائل کی وجہ سے جنگلات کا کٹا ایک بڑا چیلنج ہے، بین الاقوامی برادری اور مالیاتی اداروں کو پہاڑوں کے قدرتی حسن کے تحفظ کو ممکن بنانے میں اپنا فعال کردار ادا کرنا ہوگا، ماحولیاتی آلودگی کی وجہ سے پہاڑوں کے قدرتی حسن کو خطرات لاحق ہیں، بروقت اقدامات کرنے سے پہاڑوں کے قدرتی حسن کو بچایا جاسکتا ہے، جنگلات کے کٹا کی روک تھام کے لئے متبادل توانائی فراہم کرکے مقامی کمیونٹی کو بہتر سہولیات دے کر اس بڑے چیلنج سے نمٹا جاسکتا ہے۔جاری اعلامیہ کے مطابق انہوں نے کہا کہ بین الاقوامی برادری اور مالیاتی اداروں کا اس حوالے سے خصوصی تعاون درکار ہے، صوبائی حکومت محدود وسائل کے باوجود پہاڑوں کے قدرتی حسن کے تحفظ اور ماحولیاتی آلودگی کے نقصانات سے بچا کے لئے ہر ممکن اقدامات کررہی ہے۔وزیر اعلی گلگت بلتستان خالد خورشید نے گلگت بلتستان کے عوام اور یہاں کے قدرتی حسن کو دیکھنے کیلئے آنے والے سیاحوں سے بھی اپیل کی ہے کہ پہاڑوں کے قدرتی حسن کے تحفظ اور ماحولیاتی آلودگی کے مضر نقصانات سے بچا کیلئے انفرادی طور پر اپنی ذمہ داری کا احساس کرتے ہوئے اپنا کردار اد ا کریں تاکہ گلگت بلتستان کے قدرتی حسن کو آنے والے نسلوں تک محفوظ رکھا جاسکے اور موسمیاتی تبدیلیوں کے مضر نقصانات سے بچا جاسکے۔
