وفاقی وزیرداخلہ محسن نقوی نے خوارجی دہشتگردوں کی پاک افغان بارڈر سے ژوب میں دراندازی کی کوشش ناکام بنانے پر سیکیورٹی فورسز کو خراج تحسین پیش کیا۔انہوں نے کہا کہ سیکیورٹی فورسز نے بر وقت کارروائی کرکے خوارجی دہشتگردوں کی بلوچستان میں دراندازی کو ناکام بنایا۔بہادر سیکیورٹی فورسز نے دراندازی کرنے والے 5خوارجی دہشتگردوں کو عبرتناک انجام تک پہنچایا۔
محسن نقوی نے کہا کہ سیکیورٹی فورسز کی کارروائی کو تحسین کی نگاہ سے دیکھتے ہیں۔ خوارجی دہشتگردوں کے مذموم عزائم ناکام بنانے پر سیکیورٹی فورسز کو شاباش دیتے ہیں۔قوم کو بلاشبہ سیکیورٹی فورسز کی پیشہ وارانہ صلاحیتوں پر فخر ہے۔
