پاک فوج نے ژوب میں بھارتی حمایت یافتہ دہشت گردوں کی دراندازی کی کوشش ناکام بناتے ہوئے 33 دہشت گردوں کو ہلاک کردیا۔آئی ایس پی آر کے مطابق 7 اور 8 اگست کی درمیانی شب سیکیورٹی فورسز نے بلوچستان کے ضلع ژوب کے عمومی علاقے سیمبزہ میں پاکستان افغانستان سرحد کے ذریعے دراندازی کی کوشش ناکام بنا دی۔آئی ایس پی آر کے مطابق دراندازی کرنے والے بھارتی پراکسی گروپ د ہشت گردکے ایک بڑے گروہ کی نقل و حرکت کا سراغ لگایا گیا، سیکیورٹی فورسز نے فوری اور مثر کارروائی کرتے ہوئے دراندازی کی اس کوشش کو ناکام بنایا۔آئی ایس پی آر کے مطابق جرات مندانہ، مہارت بھری اور عین ہدف پر کی گئی کارروائی کے نتیجے میں 33 بھارتی حمایت یافتہ دہشت گرد ہلاک ہوئے جن سے بڑی مقدار میں اسلحہ، گولہ بارود اور دھماکہ خیز مواد برآمد ہوا۔پاک فوج کے مطابق علاقے میں کلیئرنس آپریشن جاری ہے تاکہ کسی بھی باقی ماندہ دہشت گرد کو ختم کیا جا سکے، پاکستان کی سیکیورٹی فورسز ملکی سرحدوں کے دفاع اور بھارتی حمایت یافتہ دہشت گردی کے مکمل خاتمے کے لیے پرعزم ہیں
