پاکستان اور آئرلینڈ کے درمیان آئی سی سی مینز ٹی 20 ورلڈ کپ کا پریکٹس میچ بارش کے باعث منسوخ کردیا گیا ہے۔
آئی سی سی ٹی 20 ورلڈ کپ کے آغاز میں صرف تین دن رہ گئے ہیں، میگا ایونٹ سے قبل ٹیموں کی پریکٹس میچ سے تیاریاں جاری ہیں۔
سری لنکا کے شہر کولمبو میں آج صبح سے ہی ہونے والی تیز بارش کے باعث پاکستان اور آئرلینڈ کا پریکٹس میچ منسوخ کردیا گیا ہے جب کہ گراؤنڈ گیلا ہونے کے باعث ٹاس بھی ممکن نہیں ہوسکا تھا۔
