ایف پی سی سی آئی کے انتخابات کے دوران کانٹے دار مقابلہ کے لیے کل کراچی میں میدان سجے گا مشاورت کے عمل میں شریک نہ کرنے پر اسلام آباد سمال چیمبر سمیت ملک کے 9 سمال چیمبر ز سے یو بی جی کے ہامیوں کی ایک بہت بڑی تعداد اسلام آباد چیمبر آف سمال ٹریڈرز اینڈ سمال انڈسٹریز کے صدر سجاد سرور‘ اور بانی صدرکامران عباسی کی قیادت میں اس گروپ کا ساتھ چھوڑ کر بی ایم پی کے ساتھ جاملی ہے لیکن ابھی صرف اسلام آباد نے علیحدہ ہونے کاکھل کراعلان کیا ہے دیگر سمال چیمبرز دونوں بڑے بڑے پینلز کے ساتھ رابطوں میں ہیں اور آج یہ چیمبرز دونوں بڑے پیلنز کے ساتھ سودے بازی کر سکتے ہیں ایف پی سی سی آئی کے انتخابات یونائیٹڈ بزنس گروپ (یو بی جی) اور بزنس مین پینل نے باہمی اتحاد کرکے متفقہ انتخابات کرانے کی کو شش کی تھی لیکن رابطوں کے باوجود دونوں گروپس میں کوئی متفقہ فیصلہ نہیں ہوسکا تھا کیونکہ یو بی جی گروپ بزنس مین پینل کو متفقہ امیدواروں کی صورت میں چار نشستیں دے رہا تھا لیکن دو نوں گروپس میں کوئی متفقہ فیصلہ نہیں ہوسکا تھا اور اب کل ہونے والے انتخابات میں غیر معمولی اور غیر متوقع نتائج آنے کی امید ہے یو بی جی کے مدمقابل گروپ بی ایم پی نے خیبر پختونخوا میں نقب لگائی ہے اور واہں سے اسے اب ماضی کی نسبت ذیادہ حمائت مل رہی ہے خیبر پختونخوا کے متعدد چیمبرز آف کامرس بزنس مین پینل کی حمایت کا کھلم کھلا اعلان کر چکے ہیں یو بی جی کے نامزد امیدواروں میں سب سے بڑا تنازعہ صدر اور ایک نائب صدر کے امید وار پر پیدا ہوا ہے جس کی وجہ سے یو بی جی پینل کو اس وقت مشکلات کا سامنا ہے پاکستان فیڈریشن آف چیمبرز آف کامرس اینڈ انڈسٹریز کے سالانہ انتخابات میں ملک بھر سے تمام کاروباری چیمبرز‘ ایسو سی ایشنز اور سمال چیمبرز کے نمائندے اپنے ووٹ کا حق استعمال کریں گے اس بڑے مقابلے کے لیے کراچی میں ملاکھڑا ہوگا‘ انتخابات میں ملک بھر سے ساٹھ چیمبرز‘ پانچ وویمن چیمبرز‘ نو سمال چیمبرز‘ چار جائینٹ چیمبرز اور ایک سو بائیس ایسو سی ایشنز حصہ لیں گی اور ووٹرز کی کل تعداد چار سو آٹھ ہے یہ انتخابات اخراجات کے اعتبار سے بہت بھاری ہیں‘ ووٹرز کو ہوائی سفر کے دو طرفہ ہوائی ٹکٹ بڑے ہوٹلوں میں ٹھہرانا پڑتا ہے کراچی کے دو بڑے ہوٹلز بک کرلیے گئے ہیں‘طارق سعید بزنس مین پینل کے پیٹرن انچیف ہیں اور اس گروپ نے سابق نگران وزیر خزانہ میاں انجم نثار کو صدر کے عہدے کے لیے نامزد کیا ہے جب کہ سینئر نائب صدر کے لیے عثمان غنی‘ نائب صدر کے لیے خرم اعجاز‘ ڈاکٹرمحمد ارشد‘ شیخ سلطان رحمان‘ کرنل(ر) تو قیر الاسلام‘ملک محمد سرفراز (نائب صدر پنجاب)‘ ناظم اعوان‘ قیصر خان(نائب صدر کے پی کے‘ عبدالقیوم قریشی(نائب صدر سندھ)‘ اس گروپ کے معروف سپورٹرز میں سلطان چاولہ‘ حاجی غلام علی‘ مرزا عبدالرحمن‘ میاں زاہد حسین‘ زکریا عثمان اور شوکت احمد شامل ہیں یو بی گی گروپ کی جانب سے ڈاکٹر نعمان ادریس بٹ صدر کے عہدے کے لیے نامزد کیے گئے ہیں جب کہ محمد حنیف گوہر امیدوار برائے سینیئر نائب صدر اور سہیل ملک ندیم شیخ نائب صدر کے لیے امیدوار ہوں گے فیڈریشن کے انتخابات کے لیے روائتی طور دو بڑے گروپ‘ یونائیٹڈ بزنس گروپ اور بزنس مین پینل مدمقابل چلے آرہے ہیں‘ دیکھتے کون بازی لے جاتا ہے گزشتہ پانچ سال سے یو بی جی(ٰٰٰٰیونائیٹڈ بزنس گروپ) برسراقتدار ہے اور بزنس مین پینل اپوزیشن کا کردار ادا کررہا ہے بزنس مین پینل کا الزام ہے کہ یہ انتخابات جعلی ایسوسی ایشنز کی وجہ سے جیتے گئے ہیں جس کا ثبوت عدالت کا فیصلہ ہے جس میں ان کے2 نائب صدر جعلی قرار دیے گئے ہیں یو بی جی پر مخالف دھڑے کا ایک بڑا اور سنگین الزام یہ بھی ہے کہ اس کے متعدد عہدیدار پی ایف سی سی آئی کا پلیٹ فارم استعمال کرکے غیر تاجروں اور ضنعت کاروں کو تاجروں اور صنعت کاروں کے روپ میں یورپ اور امریکہ لے جاتے ہیں جن کی اکثریت وہاں جاکر غائب ہوجاتی ہے‘ یونائیٹڈ بزنس گروپ کے دلائل ہیں کہ انہیں ملک بھر سے مکمل حمائت حاصل ہے‘ تاجروں کا اعتماد ہی ان کی پہچان ہے گروپ لیڈر ایس ایم منیر‘ ملک افتخار پرانے کاروباری لیڈرز ہیں اور ان کی دوستیاں‘ تعلق داری اور جوڑ توڑ کی صلاحیت مد مقابل گروپ کی نسبت ذیادہ ہے اس وقت کاروباری سرگرمیاں بحال کرانے کے لیے تاجروں میں اعتماد پیدا کرنا ضروری ہے جب تک اعتماد بحال نہیں ہوگا جب تک معاشی صورتحال بہتر نہیں ہوسکتی یہ اعتماد کی فضا پیدا کرنا فیڈریشن کا کام ہے
