بھارتی پروازوں کیلئے پاکستانی فضائی حدود کی مزید بندش کا فیصلہ کل جمعرات کو ہوگا۔ بھارتی ائیرلائنزمستقبل میں پاکستانی فضائی حدود استعمال کرسکیں گے یا نہیں فیصلہ جمعرات کو ہوجائیگا،اب تک فضائی حدودکی بندش سے بھارتی ایئرلائنزکوآٹھ ارب بھارتی روپے کا نقصان ہوچکا ہے، بھارت کو یک ماہ میں ایندھن کی مد میں پانچ ارب روپے کا اضافہ خرچہ کرنا پڑا ہے۔بوئنگ ٹرپل سیون اورایئربس طیاروں کی ایک سو پچاس پروازوں کو یومیہ دو سے چارگھنٹے کے اضافی سفر کاسامنا ہے، طویل پروازوں کواسٹاپ اوورکی مد میں تین ارب بھارتی روپے کے الگ اخراجات بھی اٹھانا پڑے رہے ہیں،دوسری جانب اضافی اخراجات کے باعث ہونے والے نقصان کے صورت میں ایئر انڈیا نے مودی سرکارسے امداد کا بھی مطالبہ کردیا ہے۔
