جماعت اسلامی پاکستان کی سیاسی کمیٹی کے رکن، جماعت اسلامی اسلام آباد کی سیاسی کمیٹی کے سیکرٹری اور یو سی 42 کے گروپ لیڈر میاں محمد رمضان نے قراردادوں کے ذریعے مطالبہ کیا ہے کہ آئی جے پی روڈ مت جلد مرمت کی جائے یہ سڑک راولپنڈی اور اسلام آباد سے مری جانے والی ہلکی اور ہیوی ٹریفک کے لیے مر کزی شاہراہ ہے جس پر ہلکی ٹریفک کے علاوہ ٹرک اور بسیں گزرتی ہیں مگر ایک عرصہ دراز سے بد ترین حد تک ٹوٹ پھوٹ کا شکار ہے، انہوں نے حلقہ این اے54 کے ورکرز کنونشن سے اپنے خطاب کے دوران شہر کے سماجی اور صحت عامہ سے متعلق مسائل کی نشان دیہی کی اور مطالبہ کیا کہ اسلام آباد کے سیکٹر آئی ٹین میں ایک بڑا سرکاری ہسپتال تعمیر کیا جائے اور سیکٹر آئی نائن سے انڈسٹریل ایریا کو شہر سے باہر منتقل کیا جائے کیونکہ یہاں فیکٹریوں کے دھویں سے فضا میں آلودگی بڑھ رہی ہے جو یہاں کے مکینوں کو دمہ جیسی بیماری میں مبتلا کر نے کا باعث بن رہا ہے انہوں نے اپنی قراردا میں فیکٹریز مالکان کو ٹریٹمنٹ پلانٹ لگانے کا پابند بنانے کا بھی مطالبہ کیا
