وفاقی وزارت صحت کے حکام کا کہنا ہےکہ پاکستان میں منکی پوکس کے دونوں مریض صحت یاب ہوگئے ہیں۔ پمز اسلام آباد میں زیرعلاج منکی پوکس کا مریض ڈسچارج کردیاگیا ہے جب کہ منکی پوکس کا گھر میں قرنطینہ ہونے والا مریض بھی صحت یاب ہوگیا ہے۔
ماہرین متعدی امراض کے مطابق پاکستان میں چکن پاکس کے بہت زیادہ کیس سامنے آ رہے ہیں، ملک میں چکن پاکس کے کیسز کو منکی پوکس تصور کیا جا رہا ہے۔ماہرین کا کہنا ہے کہ وفاقی وزارت صحت کو چکن پاکس کے بڑھتےکیسز کا نوٹس لینا چاہیے۔
