راولپنڈی—- پیپلز یوتھ آرگنائزیشن راولپنڈی ڈویژن کے سابق صدر امجد بٹ کو ان کے سیاسی تجربے اور پارٹی خدمات کے اعتراف میں پاکستان پیپلز پارٹی جرمنی کے صدر سید زاہد عباس شاہ نے پیپلز پارٹی جرمنی کا ترجمان نامزد کردیا ہے امجد بٹ 80 کی دھائی میں ضیا آمریت کے خلاف ” تحریک بحالی جمہوریت” میں پیپلز سٹوڈنٹس فیڈریشن اور بعد ازاں پیپلز یوتھ آرگنائزیشن کے پلیٹ فارم سے ناصرف شہر بلکہ ڈویژن بھر میں طالب علموں اور نوجوانوں کو متحرک اور منظم کرنے میں کلیدی کردار ادا کرتے رہے ہیں سید زاہد عباس شاہ نے امجد بٹ کی پارٹی خدمات اور سیاسی صلاحیتوں کو مدنظر رکھتے ہوئے انہیں پیپلز پارٹی جرمنی کا ترجمان نامزد کردیا ہے پاکستان پیپلز پارٹی پنجاب کے صوبائی صدر اور سابق وزیراعظم راجہ پرویز اشرف جنرل سیکرٹری حسن مرتضے پیپلز سینٹرل سیکرٹریٹ اسلام آباد کے انچارج سید سبط الحسن بخاری پیپلز پارٹی جرمنی کے جنرل سیکرٹری فاروق چوھدری ایڈیشنل سیکرٹری جعفر شاہ چیئرمین سینیٹ کے میڈیا ایڈوائزر میاں خرم رسول پیپلز پارٹی پنجاب کے نائب صدر ملک خالد نواز بوبی پیپلز پارٹی پنجاب کے نائب صدر رانا رفاقت علی خان سابق ڈپٹی میئر راجہ الطاف حسین پیپلز پارٹی پنجاب کونسل کے اراکین سید یسین آذاد ، ملک مصطفے ، بنارس چوہدری، پیپلز پارٹی کے ممتاز رہنما دانشور اور کالمسٹ ساجد کلیم پیپلز پارٹی کے سابق سیکرٹری اطلاعات و سابق نائب ناظم ناصر میر سابق چیئرمین خیابان سرسید ملک آصف اکبر نے اپنے علیحدہ علیحدہ بیانات میں امجد بٹ کی نامزدگی پر خوشی کا اظہار کیا ہے انہیں مبارک باد پیش کرتے ہوئے امید ظاہر کی ھے کہ امجد بٹ کی کوششوں سے جرمنی میں پیپلز پارٹی مزید کامیابیوں سے ھمکنار ھوگی
