پیپلزپارٹی کے چیئرمین بلاول بھٹو زرداری نے ایرانی قونصل خانے کا دورہ کیا ایم این اے آصفہ بھٹو زرداری ،وزیراعلی سندھ مراد علی شاہ بھی ہمراہ تھے کراچی میں ایرانی قونصل جنرل حسن نورین سے صدر ابراہیم رئیسی کے ہیلی کاپٹر حادثے میں جاں بحق ہونے پر اظہار افسوس کرتے ہوئے قیمتی زندگیوں کے ضیا ع پر ایران کے عوام سے اظہار رنج و غم کیا ۔ ابراہیم رئیسی اور امیر عبداللہیان کے متحرک کردار اور گراں قدر خدمات پر خراج عقیدت پیش کیا کہ ایران میں ہونے والے ہیلی کاپٹر حادثے میں قیمتی زندگیوں کے زیاں پر دلی طور پر صدمہ ہوا بلاول بھٹو زرداری نے کہا کہ صدر ابراہیم رئیسی اور وزیرخارجہ امیر عبداللہیان سے متعدد مثبت ملاقاتوں میں ایک قلبی تعلق قائم ہوا، دکھ کی اس گھڑی میں پاکستان کے عوام ایران کے بھائیوں اور بہنوں کے ساتھ کھڑے ہیں۔
