راولپنڈی ( )چیئرمین راولپنڈی ویسٹ مینجمنٹ کمپنی ثاقب رفیق نے کہا ہے کہ عید الاضحی صفائی آپریشن کی کامیاب تکمیل کیلئے موثر آگاہی مہم ضروری ہے،شہریوں کو آلائشوں کی شکایات کے اندراج کیلئے ہیلپ لائن نمبر 1139،موبائل ایپ کلین راولپنڈی اور راولپنڈی ویسٹ مینجمنٹ کمپنی کے تمام سوشل میڈیا پلیٹ فارمز سے متعلق بتایا جائے،بائیو ڈی گریڈایبل ویسٹ بیگز کی ہر قربانی کرنے والے تک فراہمی یقینی بنائی جائے،شہریوں کے تعاون سے ہی ہم آلائشوں سے پاک راولپنڈی کا ہدف حاصل کرنے میں کامیاب ہو پائینگے،اس سال بھی راولپنڈی ویسٹ مینجمنٹ کمپنی عیدا لاضحی صفائی آپریشن کے حوالے سے صوبے میں نمایاں پوزیشن پر ہو گی،اس کیلئے شہریوں کا راولپنڈی ویسٹ مینجمنٹ کمپنی سے تعاون بے حدضروری ہے،ان خیالات کااظہار انہوں نے گزشتہ روز یہاں راولپنڈی ویسٹ مینجمنٹ کمپنی کے ہیڈآفس میں منعقدہ عیدالاضحی صفائی و آگاہی مہم سے متعلق بریفنگ اجلاس کی صدارت کرتے ہوئے کیا،اجلاس میں سی ای او راولپنڈی ویسٹ مینجمنٹ کمپنی رانا ساجد صفدر،سینئر مینیجر آپریشنز ڈاکٹر حامد اقبال و دیگر افسران نے شرکت کی،عید الاضحی آگاہی مہم کے حوالے سے تفصیلی بریفنگ دیتے ہوئے مینیجر کمیونیکیشن ناصرمحمود نے کہا کہ کمیونیکیشن اینڈ سوشل موبلائزیشن ٹیم نے عید الاضحی کی آگاہی کے حوالے سے موثر مہم شروع کر دی ہے،گھر،گھر ویسٹ بائیو ڈی گریڈ ایبل ویسٹ بیگز کی فراہمی کے ساتھ ساتھ ہیلپ لائن اور کنٹرول روم نمبروں پر مشتمل پمفلٹس بھی شہریوں میں تقسیم کئے جارہے ہیں،عید الاضحی پر شہریوں کو ویسٹ بیگز کی فراہمی اور شکایات کے اندراج کیلئے آگاہی کیمپ لگائے جائینگے،شہر بھر اور تحصیلوں میں بینرز آویزاں کئے جائینگے،جن پر شکایات کے اندراج کیلئے متعلقہ نمبردرج ہونگے اورساتھ ہی سوشل میڈیا پر بھی موصول ہونیوالی شکایات کو بھی آپریشن ڈیپارٹمنٹ کو فارورڈ کیا جائیگا تاکہ فوری طور پر شکایات کا ازالہ ممکن ہو سکے۔چیئرمین ثاقب رفیق نے آگاہی مہم کی بریفنگ کو موثر قرار دیتے ہوئے کہا کہ شہریوں کی شمولیت اس آپریشن کی کامیابی کیلئے ضروری ہے،سوشل میڈیا اور دیگر ذرائع کے زریعے شہریوں کو متعلقہ نمبروں اور سوشل میڈیا پیجز،موبائل ایپ کا بتا یا جائے تاکہ وہ کسی بھی شکایت کی صورت میں ہم سے رابطہ کر سکیں،امید ہے کہ شہری بھی اپنی ذمہ داری کا احساس کرتے ہوئے عیدا لاضحی پر آلائشوں کو مناسب طریقے سے ٹھکانے لگانے میں ہمارا ساتھ دینگے،قربانی کرنے کے بعد آلائشوں کو کہیں بھی کھلے میں نہ پھینکیں،ہمارے فراہم کردی ویسٹ بیگز میں ڈال کر کوڑادان یا مختص کردہ مقام پر پہنچائیں یا ہمارے ورکر ز کے حوالے کریں،کسی بھی شکایت کے فوری ازالے کیلئے ہیلپ لائن نمبر 1139،موبائل ایپ کلین راولپنڈی اور سوشل میڈیا پیجز پر ہمیں تصاویر اور درست لوکیشن کے ساتھ ٹیگ کریں،
