اسلام آباد —- سول سوسائٹی اسلام آباد کی جانب سے گلوبل صمود فلوٹیلا اور اہل غزہ سے اظہار یکجہتی کے لیے نیشنل پریس کلب اسلام آباد کے سامنے احتجاجی مظاہرہ کیا گیا، جس میں زندگی کے مختلف شعبوں سے تعلق رکھنے والے شہریو ں، انسانی حقوق کے کارکنان، طلباء، میڈیا نمائندوں، اور پیشہ ور افراد نے شر کت کی، مظاہرے کی قیادت سول سوسائٹی اسلام آباد کے نمائندے ڈاکٹر عبدالسلام نے کی۔اس موقع پر شر کا ء نے فلسطین کے حق اور اسر ئیلی جارحیت کے خلاف زبر دست نعر بازی بھی کی۔
مظاہرے سے خطاب کر تے ہو ئے ڈاکٹر عبدالسلام نے حکومت پاکستان اور عالمی برادری، بالخصوص مسلم ممالک کی قیادت سے مطالبہ کیا ہے کہ وہ فلوٹیلا کو ممکنہ خطرات کے خلاف تحفظ فراہم کرنے کے لیے فوری اور فیصلہ کن اقدامات اٹھائیں، کیو نکہ گلوبل صمود فلوٹیلا کوئی سیاسی حربہ نہیں ہے بلکہ غزہ کے بھوکے،زخمی و بیماربچوں اور مایوس عوام کے لیے امید کی آخری کرن ہے جو ایک تباہ کن انسانی بحران کا سامنا کر رہے ہیں، یہ فلوٹیلا ان افراد کے لیے ضروری سامان، جن میں بچوں کا دودھ، پینے کا پانی، خوراک، ادویات اور دیگر بنیادی سامن لے کر جا رہا ہے،انھوں نے کہا 44 ممالک کے بہادر انسانی حقوق کے کارکنان پر مشتمل یہ فلوٹیلا سنگین خطرات اور حملوں کا سامنا کر رہا ہے، جس سے ان کی جانیں خطرے میں ہیں، عالمی برادری اور مسلمان قیادت اس انسانی امدادی اقدام کی مکمل حمایت کے لیے آواز بلند کرے اور انہیں اسرائیلی جارحیت سے محفوظ بنا نے کے اقدامات بھی کر ے، مقررین نے اٹلی اور سپین کی حکومتوں کی تعریف کر تے ہو ئے کہاان کے بحری جہازوں نے ہنگامی حالات میں ریسکیو سپورٹ فراہم کرنے کے لیے فلوٹیلا کے قریب اپنی پوزیشن سنبھال لی ہیں،ڈاکٹر عبدالسلام نے کہا اقوام متحدہ اور او آئی سی اپنااثر و رسوخ کو استعمال کرتے ہوئے گلوبل صمود فلوٹیلا کا تحفظ یقینی بنائیں اور مظلوم فلسطینیوں کے لیے خورک اور ادویات کے لیے راہداری کھلوائیں تاکہ بھوک اور ادویات کی کمی کی وجہ سے مر نے والے ہزاروں افراد اور بچوں کی جانیں بچائی جا سکیں
