اسلام آباد فوڈ اتھارٹی کی بڑی کارروائی، 6 ہزار لیٹر جعلی دودھ تلف، اسلام آباد فوڈ اتھارٹی کی جانب سے مخبر کی اطلاع پر کارروائی کی۔
سوہان میں بڑا جعلی دودھ کا یونٹ سیل کردیا گیا، مقدمہ درج کرلیا گیا، فوڈ اتھارٹی کی جانب سے جدید آلات سے انسپکشن کا عمل یقینی بنایا گیا۔
فوڈ اتھارٹی ٹیم کی جانب سے موقع پر 6 ہزار لیٹر جعلی دودھ تلف کر دیا گیا، ٹیم نے موقع سے برآمد ہونے والے تین سو کلو ملاوٹی مواد بھی تلف کر دیا ۔
ڈپٹی ڈائریکٹر اسلام آباد فوڈ اتھارٹی نےشہر بھر میں کارروائیاں تیز کرنے کی ہدایت کردی۔
ڈاکٹر طاہرہ صدیق کا کہنا تھا کہ شہر میں دودھ کے نام پر ناقص اور مضر صحت پاؤڈر کی فروخت کی اجازت نہیں، شہری کسی بھی مشکوک ڈیری، ملک شاپ یا گھر میں لگے یونٹ کی ہر صورت نشاندہی کریں،شہریوں کے ساتھ مل کر مضر صحت دودھ مافیا کے خلاف کریک ڈاؤن جاری رہے گا۔
