اسلام آباد—-جماعت اسلامی اسلام آباد کی طرف سے ترامڑی چوک ہسپتال کی تعمیر کے لیے احتجاجی مظاہرہ کیا گیا ۔امیر جماعت اسلامی اسلام آباد نصراللہ رندھاوا نے کہاہے کہ ترامڑی چوک ہسپتال کی تعمیر فوری شروع کی جائے ،یہ ہسپتال یہاں رہنے والے اسلام آباد کے ایک چوتھائی آبادی کاحق ہے ،اگر عوام کوان کا حق نہیں دیاگیا تو ایوانوں سمیت ہر جگہ احتجاج کرکے حق لیں گے حکمرانوں کویہ حق دیناپڑے گا، بدقسمتی سے حکمرانوں کی ترجیح عوام کو سہولت دینا نہیں بلکہ مشکلات کا شکار کرنا ہے ،اسلام آباد لاہور جتنا ٹیکس ادا کرتا ہے مگر سہولیات نہ ہونے کے برابر ہیں۔ جمعہ کو جماعت اسلامی اسلام آباد نے امیر جماعت اسلامی اسلام آباد کی قیادت میں غوری گارڈن لہتراڑروڈ پر ترامڑی چوک ہسپتال تعمیر کرو احتجاجی مظاہرہ کیا ۔ امیر جماعت اسلامی اسلام آباد نصراللہ رندھاوا ، صدر سیاسی امور جماعت اسلامی اسلام آبادہما ایوب اور فرید خان ناظم جماعت اسلامی زون 2نے ترامڈی چوک ہسپتال تعمیر کرو احتجاجی مظاہرہ سے خطاب کیا ، احتجاجی مظاہرے میں لہتراڑ روڑ اور غوری ٹاؤن کی آبادی شریک ہوئی ۔احتجاجی مظاہرین نے لہتراڑ روڈ کو حق دواور ترامڑی ہسپتال کو بناؤ کے نعرے لگائے ۔مظاہرین نے پوسٹر اور بینر اٹھارکھے تھے جس پر ترامڑی چوک ہسپتال تعمیر کرو کے نعرے درج تھے۔امیر جماعت اسلامی اسلام آباد نصراللہ رندھاوا نے خطاب لرتے ہوئے کہاکہ تمام مظاہرین کو لہتراڑ روڈ پر اپنے جائز حق کے لیے مظاہرہ کرنے پر مبارک باد دیتا ہوں ۔ یہ پاکستان کے دارالحکومت اسلام آباد کا علاقہ ہے ایک چوتھائی آبادی اس علاقے میں آباد ہے لیکن عوام بنیادی صحت کے حق سے محروم ہے، یہ تحریک لوگوں کے دلوں کی آواز ہے یہ یہاں کے عوام کی عین ضرورت ہے یہاں پر تین دہائیوں سے ہسپتال کے لیے زمین مختص کی گئی ہے مگر ابھی تک ہسپتال تعمیر نہیں کیا گیا ،ہمارے حکمران عوام کو بنیادی حقوق نہیں دے رہے ہیں ۔عوام عرصے دارز سے ہسپتال کا مطالبہ کررہے ہیں ۔انہوں نے کہاکہ حکومتی ترجیحات عوامی حقوق سے متصادم ہیں، آج مقامی عوام نے نمائندہ اجتماع کر کے اپنی آواز بلند کر دی ہے،ترامڑی چوک ہسپتال کی چار دیواری کے اندر غلاظت کی ڈھیر ہسپتال نہیں، جو انتظامی لاپروائی کی علامت ہے ،ترامڑی چوک میں فوری اسپتال قائم کیا جائے جس میں میڈیکل اسپیشلسٹ، بچوں کے وارڈز اور ایمرجنسی سہولتیں موجود ہوں،میں سوال کرتاہوں کہ حکمرانوں کو کس نے یہ بنیادی حق عوام کودینے سے روکا ہے ۔ بدقسمتی سے حکمرانوں کی ترجیح عوام کو سہولت دینا نہیں بلکہ مشکلات کا شکار کرنا ہے ۔ فوری طور پر ترامڑی چوک میں ہسپتال بنایاجائے ۔ اگر ہمارا مطالبہ نہیں مانا جاتا تو ایوانوں کے سامنے بھی احتجاج کا حق رکھتے ہیں ۔انہوں نے کہاکہ ہسپتال کا فنڈ موجود ہے مگر ہسپتال نہیں بنایا جارہاہے ۔ حکومت سے مطالبہ کرتے ہیں کہ ایک بڑا ہسپتال یہاں بنایا جائے آج ہم اس تحریک کا آغاز کررہے ہیں یہ اس علاقے کے عوام کا حق ہے آپ کو یہ حق دینا ہوگا ۔ حکمران اپنے لیے توفنڈز فوری جاری کردیتے ہیں مگر ہسپتالکی تعمیر کو تاخیر کا شکار کیا ہوا ہے ۔غوری ٹاؤن کے عوام کتوں سے بھی محفوظ نہیں ہے روز شہریوں کو کتے کاٹتے ہیں ۔ اسلام آباد لاہور جتنا ٹیکس ادا کرتا ہے مگر سہولیات نہ ہونے کے برابر ہیں ۔
