اسلام آباد — جماعت اسلامی پنجاب کے سیکرٹری جنرل اقبال خان نے کہا ہے کہ مینار پاکستان پر ہونے والا جماعت اسلامی کا تاریخ ساز اجتماع عام قومی وحدت اور اتحاد امت کا مظہر ہوگا،21تا 23نومبر کو ہونے والا اجتماع عام عوامی شرکت کے حوالے سے سابقہ تمام ریکارڈ توڑ دے گا،جماعت اسلامی کا اجتماعِ عام سیاسی و قومی محاذ پر روشن صبح کی نوید ثابت گا،انھوں نے کہا محفوظ اور ترقی یافتہ پاکستان کی جدو جہد میں شامل ہو نے کے لیے ہر فرد کو کو حا فظ نعیم الرحمن کی بدل دو نظام کی تحریک میں شامل ہو نا پڑے گا، شمالی پنجاب سے ہزاروں مرد وخواتین اور نو جوا ن اجتماع عام میں شر یک ہو ں گے۔ان خیالات کا اظہار انھوں نے جماعت اسلامی تلہ گنگ کے تحت ضلعی شوریٰ، زونل نظم، یو سی امراء اور برادر تنظیمات کے خصوصی اجلاس بسلسلہ اجتماعِ عام سے خطاب کر تے ہو ئے کیا،اس موقع پر امیر جماعت اسلامی ضلع تلہ گنگ پروفیسر محمد طاہر ملک اور دیگر نے بھی خطاب کیا۔
اقبال خان نے کہاجماعت اسلامی کے کارکنان بڑے پیمانے پر شہریوں کو اجتماع عام میں شرکت کی دعوت دیں اور فرسودہ، کرپٹ نظام کے خاتمے کیلئے جماعت اسلامی کی جدو جہد میں شامل ہو نے پر آمادہ کر ے، مینار پاکستا ن پر ہونے والا اجتماع عام ایک فیصلہ کن جدو جہد کا نقطہ آغاز ہو گا، بدل دو نظام کے عزم کے ساتھ ہو نے والا یہ اجتماع عام عوام کو اُن کے بنیادی حقوق کی فراہمی، اسلامی نظام کے نفاذاور باوقار زندگی کی اُمید دلائے گا،انھوں نے کہا ”بدل دو نظام” کے سلوگن کے ساتھ امیر جماعتِ اسلامی حافظ نعیم الرحمن اجتماعِ عام میں قومی پُرامن مزاحمت اور جدوجہد کا لائحہ عمل دیں گے۔
