اسلام آباد—-امیر جماعت اسلامی اسلام آباد انجینئر نصراللہ رندھاوا نے اسلام آباد میں فوری بلدیاتی انتخابات کرانے کا مطالبہ کرتے ہوئے کہاہے کہ اگر بلدیاتی انتخابات کا اعلان نہیں کیا جاتا تو ہم الیکشن کمیشن آف پاکستان کا گھیراؤ کریں گے الیکشن کمیشن بھی بلدیاتی انتخابات نہ کرانے پر حکومت کے ساتھ ملا ہوا ہے۔اسلام آباد کے عوام کے حقوق غصب کیے جا رہے ہیں کوئی سننے والا نہیں،اسلام کے عوام سمجھ چکے ہیں کہ ان کے حقوق ہر کس نے ڈاکہ ڈالا ہے۔ اتوار کو جماعت اسلامی اسلام آباد کے زیراہتمام نیشنل پریس کلب اسلام آباد کے باہر وفاقی دارالحکومت اسلام آباد میں بلدیاتی انتخابات نہ کرانے پر احتجاجی مظاہرہ کیا،احتجاجی مظاہرے میں بڑی تعداد میں اسلام آباد کے شہریوں نے شرکت کی مظاہرین نے پلے کارڈ اور بینر اٹھارکھے تھے جن پر اسلام آباد میں بلدیاتی انتخابات کرنے کے نعرے درج تھے ۔ مظاہرین نے اسلام آباد میں بلدیاتی انتخابات نہ کرانے پر شدید نعرے بازی کی ۔سیکرٹری جنرل زبیر صفدر ، صدر انجمن تاجران کاشف چوہدری ، سیاسی امور کے صدر ہما ایوب سمیت دیگر نے خطاب کیا۔
امیر جماعت اسلامی اسلام آباد انجنیئر نصراللہ رندھاوا نے احتجاجی مظاہرے سے خطاب کرتے ہوئے کہاکہ اسلام آباد میں پینے کے پانی کا کوئی نیا منصوبہ شروع نہیں کیا گیا، اسلام آباد کے شہریوں کا پانی میسر نہیں ہے، پانی کی کمی کے ذمہ دار سی ڈی اے، وفاقی حکومت اور یہاں کی انتظامیہ ہے، ایک فرد کو میئر، چیئرمین سی ڈی اے اور کمشنر کے اختیارات دیئےگئے ہیں،اسلام آباد کے نواحی علاقوں میں کوئی ترقیاتی کام۔نہیں ہو رہا، انجنیئر نصراللہ رندھاوا نے کہاکہ تمام غیر قانونی آبادیوں کو رشوت لے کربسایاجا تاہے، اسلام آباد کے شہریوں سے ملک بھر کے شہریوں سے زیادہ ٹیکس لیا جا تا ہے،آئین کے تحت اسلام آبادکی صوبائی حکومت ہو نی چاہیئے،اسلام آباد کے عوام کے حقوق غصب کیے جا رہے ہیں کوئی سننے والا نہیں اسلام کے عوام سمجھ چکے ہیں کہ ان کے حقوق ہر کس نے ڈاکہ ڈالا ہے، انجنیئر نصراللہ رندھاوا نے کہاکہ آئین کے تحت اسلام آباد میں ہر 5 سال کے بعد بلدیاتی انتخابات ہو نا لازمی ہے، اسلام میں جون 2021 کو بلدیاتی الیکشن ہو نا چاییئے تھا، عدلتوں کے کہنے پر الیکشن کا فیصلہ ہوالیکن اسے ملتوی کردیا گیا،الیکشن کمیشن بھی ان کے ساتھ ملا ہوا ہے، بلدیاتی الیکشن کے انعقاد کے جدو جہد کریں گے، اپنے مطالبے کے لیے الیکشن کمیشن، سی ڈی اے کا گھیراؤ کریں گے۔
سیکرٹری جنرل جماعت اسلامی اسلام آباد زبیر صفدرنے احتجاجی مظاہرے سے خطاب کرتے ہوئے کہاکہ ہم مطالبہ کرتے ہیں کہ اسلام آباد کو بیوروکریسی سے نجات دلائی جائے،اسلام آبادکو منتخب قیادت کے حوالے کیا جائے، اسلام آباد میں ترقی نام کی کوئی چیز نہیں،اسلام آباد کو ایک غیر منتخب بیوروکریٹ اوروزیرداخلہ چلاتا ہے،اسلام آباد میں بیوروکریسی اورافسر شاہی کی بدمعاشی کو ختم کیا جائے۔م آباد میں بیوروکریسی اورافسر شاہی کی بدمعاشی کو ختم کیا جائے۔
