وفاقی وزیر داخلہ رانا ثناء اللّٰہ نے کہا ہے کہ انٹیلی جنس ایجنسی نے ایک گفتگو پکڑی ہے، گفتگو پی ٹی آئی رہنما کے گھر پر چھاپے سے متعلق ہے۔
اسلام آباد میں پریس کانفرنس کرتے ہوئے انہوں نے کہا کہ گفتگو میں دوسرا ڈرامہ یہ تھا کہ ریپ ایکٹ کیا جائے۔اس کا مقصد یہ تھا کہ اس کا الزام قانون نافذ کرنے والے اداروں پر لگایا جائے اور معاملہ عالمی سطح پر اٹھایا جائے۔
انہوں نے کہا کہ منصوبے پر آج رات ہی عمل ہونا تھا، آج رات ہی یہ کسی جگہ پر ڈرامہ کرنے والے تھے، گفتگو میں شامل کرداروں کو واچ کیا گیا ہے۔
وفاقی وزیر کا کہنا تھا کہ اس لیے ضروری تھا کہ قوم کو ان کے ناپاک ارادے سے آگاہ کیا جائے۔
رانا ثناء اللّٰہ کا یہ بھی کہنا تھا کہ 9 مئی کے ذمہ داروں کو سزا ملے گی، عمرانی فتنے کا مقصد یہ تھا کہ لوگوں کو گمراہ کیا جائے۔
