سلمان احمد صدیقی (وصفیٓ)
حیدر و زہرا کا پیارا لعل، اک پیکرِ شجاعت و جمال
وہ صاحبِ اوجِ کمال، پائی جس نے استقامت لازوال
پامردیِ استقلال، مقصود نہ تھا کسی تخت کا سوال
امر ہوا بنکے دین کی ڈھال، عطا ہوئی بادشاہی بےمثال
لے کر اپنے اہل و عیال، چلا کربلا کو کرنے وہ مالا مال
بھلا یزید کی کیا مجال، کرتا جو شبّیر کا سامنا، بد اعمال
بتلائیں کیا خیموں کا احوال، تکریم ہوتی رہی پامال
ہوئے جبر کا شکار اطفال، نہ کیا بیبیوں کا کچھ خیال
ہوئی جاتی تھی نبی کی آل، پیاس کی شدت سے بےحال
اٹھائیں گے حشر میں وبال، ہیں جن کے یزیدی خدوخال
یومِ عاشور کا وہ ڈوبتا ہلال، ہوتا گیا لہوِ پاک سے لال
ہو کر بلند اقبال، وصفیٓ، حسین چلے سوئے ذوالجلال
کراچی – ۲۵ جولائی ۲۰۲۳
