جماعت اسلامی کی دیرینہ اور بزرگ رکن اور سیکرٹری جنرل امیر العظیم کی خوش دامن کلثوم قاری قضائے الٰہی سے انتقال کرگئیں۔ جماعت اسلامی پاکستان حلقہ خواتین کی مرکزی سیکرٹری جنرل دردانہ صدیقی نے ان کے انتقال پر گہرے دکھ اور
افسوس کا اظہار کرتے ہوئے کہا کہ کلثوم آپا کا وجود سراپا تحریک تھا۔ انہوں نے ساری زندگی جماعت اسلامی کے پلیٹ فارم سے اقامت دین کی جدوجہد کو اپنا مشن بنائے رکھا۔ پروردگار ان کی کاوشوں کو اپنی بارگاہ میں شرف قبولیت بخشے۔ علاوہ ازیں ڈپٹی سیکرٹریز رعنا فضل، آمنہ عثمان، ثمینہ سعید، سکینہ شاہد، ڈاکٹر حمیرا طارق، ناصرہ الیاس، عائشہ سید، معتمدہ تسنیم معظم، نگران میڈیا سیل عالیہ منصور، سیکرٹری اطلاعات صائمہ افروز اور دیگر ذمے داران نے بھی کلثوم قاری کے اہل خانہ سے دلی تعزیت کرتے ہوئے مرحومہ کی مغفرت، درجات کی بلندی اور لواحقین کے لیے صبر جمیل کی دعا کی ہے۔
