وزارتِ مذہبی امور و بین المذاہب ہم آہنگی نے سرہند، شریف انڈیا میں حضرت مجدد الف ثانی ؒ کے سالانہ عرس میں شرکت کے خواہشمند پاکستانی زائرین سے 29 فروری 2024 ءتک نئے زیارت فارم کے ذریعے درخواستیں طلب کر لی ہیں۔ درخواستوں کے ہمراہ وزارت کے نام ایک ہزار روپے (Rs.1000)کا ناقابلِ واپسی بینک ڈرافٹ لف کرنا لازم ہے۔ عرس کی تقریبات 29 اگست تا 04 ستمبر، 2024ء سرہند شریف، بھارت میں جاری رہیں گی۔ وزارت کے مطابق 200 پاکستانی زائرین کو عرس میں شرکت کیلئے بھیجا جائے گا اگر درخواستیں زیادہ وصول ہوئیں تو 28 مارچ، 2024ء کو وزارتِ مذہبی امور و بین المذاہب ہم آہنگی میں قرعہ اندازی کے ذریعے 200 زائرین کا انتخاب کیا جائے گا۔عرس سے متعلق دیگر تفصیلات ہدایات درخواست فارم وزارت کی ویب سائٹ اور فیس بک پیج پر دستیاب ہیں۔ وزارت پرانے فارم پر کوئی درخواست قبول نہ کرے گی
