مقبوضہ جموں کے علاقے پونچھ سے 03 فروری کو غلطی سے کنٹرول لائن کراس کرکے عباس پور میں اپنے رشتے داروں کے پاس پناہ لینے والی دو بچیوں کی ماں بائیس سال شبنم ولد محمد رزاق کو منگل 19مارچکو 03 بج کر 56منٹ پر ضلعی انتظامیہ راولاکوٹ نے تیتری نوٹ کراسنگ پوائنٹ پر پاک فوج کے ذریعے کنٹرول لائن کی دوسری طرف چکاں دا باغ میں بھارتی حکام کے حوالے کر دیا ۔
اس سے قبل ڈپٹی کمشنر پونچھ راولاکوٹ سید ممتاز کاظمی نے ضلعی ہیڈکوارٹر میں کنٹرول لائن کراس کرکے آنے والی بچی شبنم کو الوداع کیا اور ضلعی انتظامیہ کی جانب سے تحائف بھی دیے ۔ اس موقع پر اے ڈی سی پونچھ عمر فاروق سوشل ویلفیئر سے منسلک ادرے کی خاتون سربراہ اور دیگر حکام بھی موجود تھے ڈپٹی کمشنر پونچھ نے اس موقع پر میڈیا سے گفتگو کرتے ہوئے بچی کی باعزت واپسی پر خوشی کا اظہار کرتے ہوئے کہا کہ یہ لڑکی اپنی ڈیڑھ سالہ بچی کے ساتھ کسی وجہ سے کنٹرول لائن کراس کرکے عباس پور آگئی آزاد کشمیر تھی جسے مقامی انتظامیہ نے اس کے حقیقی ماموں نذیر احمد اصلاحی اور ان کے بیٹے جاوید سحر کے حوالے کیا تاہم بچی کو یہاں لانے والے بعض رشتے داروں کی جانب سے عباس پور رہنے میں مشکلات کا سامنا تھا۔ ذرائع کے مطابق انتظامیہ کو موصولہ معلومات کےمطابق اسے کنٹرول پار سے یہاں جھانسہ دے کر لانے کے والے وقار ولد ماسٹر نوردین کی جانب سے دھمکیوں کا سامنا تھا جسکے باعث بچی ایک ھفتہ قبل سوشل ویلفیئر آفس راولاکوٹ میں پناہ لینے پر مجبور ہوئی ۔اس معاملے پر ہمدردانہ غور کے بعد حکومت پاکستان آزاد کشمیر کے حکام اور بالخصوص افواجِ پاکستان کے تعاون سے بہت جلد اس بچی کو اس کے والدین اور سسرال بھیجنا ممکن ہوا
اس موقع پر ڈپٹی کمشنر پونچھ ممتاز کاظمی نے اپنے کنٹرول لائن کے پار ہم منصب اور انتظامیہ سے میڈیا کے توسط سے اپیل کی کہ وہ لڑکی سے مشفقانہ برتاؤ کریں
ڈسٹرکٹ ہیڈکوارٹر ڈپٹی کمشنر پونچھ ممتاز کاظمی اے ڈی سی پونچھ عمر فاروق کی جانب سے مہمان لڑکی اور اس کی ڈیڑھ سالہ بچی کے لیے مختصر الوداعی تقریب میں تحائف پیش کرنے کے بعد بچی کو حقیقی ماموں منیر احمد زاہد صفورہ زاہد اورعمرسرفراز کے ساتھ تحصیل دار ایاز علی کے ہمراہ لیڈیز ایس ایچ او پولیس کے ذریعے اسسٹنٹ کمشنر ہجیرہ سردار ولید کو تیتری نوٹ کراسنگ پوائنٹ سے بغرض واپسی مقبوضہ پونچھ روانگی کے لیے ہجیرہ بھیج دیا گیا جہاں پر پاک فوج نے اسے منگل 19مارچ کی سہ پہر بھارتی حکام کے حوالے کر دیا ۔
بچی کے آزاد کشمیر میں ورثاء نذیر احمد اصلاحی منیر احمد زاہد جاوید سحر صفورہ زاہد رابعہ کوثرمدثر نذیر عمر سرفراز نے اس موقع پر حکومت پاکستان آزاد کشمیر انتظامیہ ڈپٹی کمشنر پونچھ راولاکوٹ سید ممتاز کاظمی تحصیل دار ایاز علی اسسٹنٹ کمشنر ہجیرہ سردار ولید پولیس اور بالخصوص افواجِ پاکستان کے تمام اداروں کا شکریہ ادا کیا جن کی معاملے میں دلچسبی کی وجہ سے والدین اور سسرال سے بچھڑی ماں بیٹی اپنے پیاروں کے پاس جانے میں کامیاب ہوئی ۔
