رواں سال کے آخری سورج گرہن کا آغاز ہوا ہے پاکستان کے تمام جنوبی علاقوں میں 20 سال بعد سورج گرہن ہوا، اس سے قبل 11 اگست 1999 کو پاکستان میں سورج گرہن ہوا تھا۔محکمہ موسمیات کے مطابق کراچی میں سورج گرہن کا آغاز صبح 7 بج کر 34 منٹ ہوا جو 8 بج کر 37 منٹ پر عروج کو پہنچا اور دوپہر ایک بج کر 6 منٹ پر مکمل طور پر ختم ہوا۔کراچی میں سورج گرہن 8 بج کر 58 منٹ پر واضح دیکھا گیا شہرِ قائد میں سورج گرہن کا دورانیہ 2 گھنٹے اور 32 منٹ پر مشتمل تھا اور یہ صبح 10 بج کر 19 منٹ پر ختم ہوامحکمہ موسمیات کے مطابق وفاقی دارالحکومت اسلام آباد میں صبح 7 بج کر 50 منٹ پر سورج گرہن کا آغاز ہوا جو 8 بج کر 57 منٹ پر عروج کو پہنچے گا اور 10 بج کر 15 منٹ پر ختم ہوا۔لاہور میں سورج گرہن کا آغاز صبح 7 بج کر 47 منٹ پر ہوا جو 8 بج کر 58 منٹ پر عروج کو پہنچا اور 10 بج کر 19 منٹ پر ختم ہوا۔محکمہ موسمیات کے مطابق کوئٹہ میں صبح 7 بج کر 39 منٹ پر سورج گرہن شروع ہوا جو 8 بج کر 48 منٹ پر عروج کو پہنچا اور 10 بج کر 48 منٹ پر ختم ہوا۔مظفرآباد میں واضح جزوی سورج گرہن 8 بج کر 59 منٹ اور گلگت میں 9 بج کر01 منٹ پر ہوا۔پاکستان میٹرو لوجیکل ڈیپارٹمنٹ (پی ایم ڈی) کے مطابق یہ سورج گرہن پاکستان میں 20 سال پہلے 1999 میں جزوی طور پر دیکھا گیا تھا۔اس سال کے آخری سورج گرہن کو ’رنگ آف فائر‘ کا نام دیا گیا ہے کیوں سورج کو جب گرہن لگے گا تویہ مکمل طور پر چاند کی وجہ سے ڈھک چکا ہوگا اور گرہن کی وجہ سے صرف سورج کے کنارے ہی نظر آئیں گے۔سورج گرہن کے دوران ملک کے مختلف شہروں میں نماز کسوف کا اہتمام کیا گیا ہے۔کراچی کے علاقے ڈیفنس فیز 4 سمیت مختلف علاقوں کی مساجد میں نماز کسوف ادا کی گئی جس میں شرکت کے لیے شہری بڑی تعداد میں موجود تھے نماز کسوف کے دوران استغفار اور خصوصی دعائیں کی گئیں
