اسپیکر قومی اسمبلی سردار ایاز صادق نے قاٸمہ کمیٹیوں کے چیٸرمینوں کو نئی گاڑیاں دینے سے انکار کردیا اور نٸی گاڑیاں خریدنے پر پابندی لگا دی۔
اسپیکر قومی اسمبلی سردار ایاز صادق کی جانب سے کفایت شعاری پالیسی پرعملدرآمد شروع کردیا گیا۔
ذرائع کے مطابق اسپیکر قومی اسمبلی نے نٸی گاڑیاں خریدنے پر پابندی لگا دی، سردار ایاز صادق نے قاٸمہ کمیٹیوں کے چیٸرمینوں کو نٸی گاڑیاں دینے سے انکارکردیا۔
قومی اسمبلی کے مانیٹاٸزیشن لینے والے افسران سے گاڑیاں واپس لینے کے احکامات بھی جاری کیے ہیں۔
اسپیکر قومی اسمبلی نے کہا کہ مانیٹاٸزیشن لینے والے افسران قواعد کے مطابق اداٸیگی کرکے گاڑی استعمال کریں، افسران اور ایم این ایز پرانی سرکاری گاڑیوں کوبھی احتیاط سے چلاٸیں۔
سردار ایاز صادق نے اپنے لیے نٸی گاڑی لینے سے بھی انکار کردیا جبکہ وہ بحثیت اسپیکر قومی اسمبلی 10 سال پرانی گاڑی استعمال کر رہے ہیں۔
اسپیکرقومی اسمبلی نے اپنا پروٹوکول انتہاٸی محدود کردیا، سردار ایاز صادق کا پروٹوکول 2 گاڑیوں پر مشتمل ہے۔
