وزیر اعلیٰ پنجاب مریم نواز شریف نے کہا ہے کہ بزرگ وہ چراغ ہیں جن کی روشنی میں نسلیں پروان چڑھتی ہیں، بزرگوں کا احترام ہمارے عقائد اور تہذیب کا حصہ ہے۔انہوں نے بزرگ افراد کے عالمی دن پر اپنے پیغام میں کہا کہ بزرگ ہمارے ماضی کا عکس، حال کی روشنی اور مستقبل کے لیے ایک سبق ہیں، بزرگ وہ چراغ ہیں جن کی روشنی میں نسلیں پروان چڑھتی ہیں۔بزرگوں نے اپنی جوانی کی توانائیاں، تجربات اور قربانیاں دے کر ہمارے آج کو ممکن بنایا ہے۔ پاکستان کے بزرگ افراد پاکستان کا سرمایہ ہیں، خراج تحسین پیش کرتی ہوں ۔ وزیر اعلیٰ مریم نواز نے کہا کہ بزرگوں کا احترام ہمارے عقائد اور تہذیب کا حصہ ہے، بزرگوں کے زندگی کے تجربات اور مشاہدات ہمارے لئے خزانے کے مترادف ہیں ، بزرگوں کے حقوق کا خیال رکھنا ہمارا فرض ہے، انکے لئے وہ آسانیاں پیدا کریں جس کے وہ مستحق ہیں۔
Tap to unmute
اپنے بزرگوں کو کبھی فراموش نہ کریں انہیں عزت اور مقام دیں گے جس کا وہ حق رکھتے ہیں۔ انہوں نے کہا کہ جن معاشروں میں بزرگوں کی قدر ہوتی ہے، وہی معاشرے عروج پاتے ہیں، حکومت بزرگ شہریوں کی عزت، فلاح اور راحت کے لیے اقدامات کر رہی ہے ، حکومت پنجاب بزرگ شہریوں کے لیے اولڈ ہومز کو مزید بہتر بنا رہی ہے ۔اولڈ ہوم میں مقیم بزرگ مرد وخواتین نے حج کی سعادت بھی حاصل کی ہے۔
