پنجاب کے کرائم کنٹرول ڈیپارٹمنٹ ڈیرے پر چھاپہ مار کر مغوی کوتشویشناک حالت میں بازیاب کر الیا۔ سی سی ڈی کی جانب سے یہ کارروائی نازیبا ویڈیوز کے الزام پر مطلوب افراد کی گرفتاری کیلئے کی گئی جہاں ڈیرے کا انچارج بھی ریکارڈ یافتہ پایا گیا اس کے علاوہ مزید 66 گارڈز بھی اشتہاری نکلے، پولیس نے ضابطے کی کارروائی شروع کردی۔
بتایا گیا ہے کہ سی سی ڈی راولپنڈی کی جانب سے چونترہ کے علاقہ میں واقع ڈیرے پر چھاپہ مارا گیا، اس دوران ڈیرے سے ایک شخص بازیاب ہوا جس کا تعلق ڈیرہ غازی خان سے ہے، مذکورہ شخص کو زبردستی ڈیرے پر رکھا گیا تھا جہاں اُس پر تشدد بھی کیا گیا، سگریٹ جسم پر لگا کر اس کی ویڈیو بنائی گئی۔
سی سی ڈی ذرائع کا کہنا ہے کہ راولپنڈی ڈویژن میں اشتہاریوں کی پناہ گاہوں کے خلاف گرینڈ آپریشن کا آغاز کر دیا گیا ہے، یہ کارروائی بھی اُن مطلوب ملزمان کی گرفتاری کے لیے کی گئی مطلوب ملزمان کے بارے میں تمام تفصیلات ایم پی اے نعیم اعجاز کو پہلے ہی فراہم کر دی گئی تھیں اور انہیں درخواست کی تھی کہ وہ اپنے ڈیرہ انچارج کو حکام کے حوالے کریں وہ دہشت گردی کے مقدمے میں نامزد ہیں، بازیاب شخص نے بھی بتایا کہ ڈیرے پر کثیر تعداد میں دوسرے صوبوں کے خطرناک اشتہاری بھی موجود ہیں۔
