مذہب،مسلک، رنگ ونسل سے بالاترہوکرافراد اور ان کے بچوں کو پناہ دی جا رہی ہے

اسلام آباد —– امیر جماعت اسلامی پنجاب ڈاکٹر طارق سلیم نے کہا ہے کہ الخدمت فاؤنڈیشن مذہب،مسلک، رنگ ونسل سے بالاترہوکردکھی انسانیت کیلئے خدمات جاری رکھے ہوئے ہے،ملک کے مختلف حصوں میں حالیہ بارشوں اور سیلاب سے متاثرہ خاندانوں کی امداد کے لیے الخدمت فاؤنڈیشن نے ریلیف آپریشن شروع کر رکھاہے، الخد مت فاونڈیشن کے پندرہ ہزار رضاکار متاثرہ علاقوں میں دن رات سرگرم ہیں اور عوام کو خوراک، خیمے، صاف پانی اور دیگر ضروری اشیاء فراہم کر رہے ہی، انھوں نے کہایہ وقت قوم کے اتحاد اور یکجہتی کا ہے، اور ہم سب کو اپنے بھائیوں اور بہنوں کی مدد کے لیے آگے آنا ہوگا، عوام مشکل کی اس گھڑی میں الخد مت فاونڈیشن کو زیادہ سے زیادہ عطیات دیں تاکہ متاثرہ خاندانوں کی جلد بحالی ممکن بنائی جا سکے۔ ان خیالات کا اظہار انھوں نے گجرات میں سیلاب سے متاثرہ افراد میں بنیادی گھریلو سامان تقسیم کر نے کی تقریب سے خطاب کر تے ہو ئے کیا۔
ڈاکٹر طارق سلیم نے کہا الخد مت فاونڈیشن کے تحت اب تک ہزاروں متاثرہ خاندانوں کو راشن بیگز، پینے کے صاف پانی اور طبی سہولیات فراہم کی جا چکی ہیں، مزید برآں عارضی شیلٹر ہومز بھی قائم کیے گئے ہیں جہاں بے گھر ہونے والے افراد اور ان کے بچوں کو پناہ دی جا رہی ہے، الخدمت فاؤنڈیشن کی میڈیکل ٹیمیں سیلاب زدہ علاقوں میں متاثرین کو ابتدائی طبی امداد، ادویات اور ویکسین فراہم کر رہی ہیں تاکہ وبائی امراض کے پھیلاؤ کو روکا جا سکے۔ اس کے علاوہ سیلاب سے تباہ شدہ علاقوں میں متاثرین کی بحالی کے لیے بھی جامع منصوبہ بندی کی جا رہی ہے