مقامی ہوٹل سیرینا ہوٹل میں 5 مارچ کو فرنیچرز اور لائٹنگ سے متعلق ایک ملک گیر نمائش ہورہی ہے، یہ نمائش دو روز تک جاری رہے گی جس میں ملک بھر سے فرنیچرز اور لائٹنگ کے علاوہ کوریان شیٹس تیار کرنے والے کارخانے اپنی مصنوعات کی نمائش کریں گے اس نمائش میں لاہور سے فنسرا لائٹنگ کی جانب سے ایک اسٹال لگایا جائے گا، فنسرا لائٹنگ کی انتظامیہ اور سی ای او سہیل سرورکی جانب سے چیمبرز کے ممبرز، اسلام آباد کے شہریوں اور تعمیراتی انڈسٹری سے وابستہ افراد سے اسٹال وزٹ کرنے کی اپیل کی ہے، فیڈریشن آف پاکستان چیمبرز آف کامرس اینڈ انڈسٹریز کے سابق نائب صدر اور چیمبر کے سینئر ممبر سجاد سرور نے کہا ہے کہ اس نمائش کی مدد سے ملک میں کاروباری سرگرمیوں میں اضافہ ہوگا اور صارفین کو بھی ان اشیاء کی خریداری میں مدد اور معلومات ملیں گی
