7 ریلوے حکام نے عوام کی سہولت کے پیش نظر عید الفطر پر 34 عید سپیشل ٹرینیں چلا دیں،24انٹر سٹی ٹرینیں جبکہ 10ٹرینیں مین لائن پر چلائی جائیں گی۔ترجمان کے مطابق انٹرسٹی پبلک ٹرانسپورٹ بند ہونے پر عید سپیشل ٹرینیں چلائی گئی ہیں۔انٹرسٹی ٹرینیں لاہور،فیصل آباد اور فیصل آباد ،ملتان کے درمیان چلائی جائیں گی،انٹرسٹی ٹرینیں 9 مئی سی13مئی تک چلیں گی۔عوام کی سہولت کے لئے ۔7 مئی سے اپ اینڈ ڈائون کی11 عید سپیشل ٹرینیں چلانے کا فیصلہ کیاہے۔پہلی چارعید سپیشل ٹرینیں کراچی سٹی سے 7، 8 ،9 اور 10 مئی 2021 کوروزانہ رات آٹھ بجے کراچی سٹی سے روانہ ہوکر لانڈھی ، نواب شاہ، رحیم یار خان، بہاولپور، ملتان کینٹ، ساہیوال، اوکاڑہ اور رائیونڈ سے ہوتی ہوئی اگلے روز شام چار بجے لاہور پہنچا کریں گی۔
اسی طرح لاہور سے پانچ عید سپیشل ٹرینیں 7، 8، 9 ، 10اور 11 مئی 2021 کولاہور سے روزانہ رات آٹھ بجے روانہ ہوکر رائیونڈ ، اوکاڑہ، ساہیوال، خانیوال، ملتان کینٹ، بہاولپور، خانپور، رحیم یارخان، روہڑی، نواب شاہ، حیدرآباد، لانڈھی اور کراچی کینٹ سے ہوتی اگلے روز شام چار بجے کراچی سٹی پہنچا کریں گی۔جبکہ دسویں عید سپیشل ٹرین کراچی سٹی سے راولپنڈی کے لیے 11 مئی 2021 کو کراچی سٹی سے رات آٹھ بجے روانہ ہوکر کراچی کینٹ، لانڈھی، حیدرآباد، نواب شاہ، روہڑی، رحیم یار خان، خانپور، ملتان کینٹ ، خانیوال ، ساہیوال، اوکاڑہ ، رائیونڈ ، لاہور، گوجرانوالہ، وزیرآباد، گجرات ، لالہ موسی اور جہلم سے ہوتی ہوئی اگلے روز رات 9 بجکر 45 منٹ پر راولپنڈی پہنچے گی۔جبکہ آخری عید سپیشل ٹرین کراچی سٹی سے ملتان کینٹ کے لیے 12 مئی 2021 کو کراچی سٹی سے رات آٹھ بجے روانہ ہوکر کراچی کینٹ ، لانڈھی، حیدرآباد، نواب شاہ، روہڑی، رحیم یار خان، خانپور اور بہاولپور سے ہوتی ہوئی اگلے روز دن 11بجکر 15 منٹ پر ملتان کینٹ ریلوے اسٹیشن پہنچے گی۔ واضح رہے کہ یہ تمام ٹرینیں براستہ مین لائن ملتان کے راستے اپنا سفر مکمل کریں گی۔
