اسلام آباد( )الخدمت فاونڈیشن پاکستان اور راشد میموریل ویلفیئر آرگنائزیشن کے درمیان معاہدے کی تقریب الخدمت کمپلیکس میں منعقد ہوئی۔ اس معاہدے کے تحت الخدمت فاونڈیشن پاکستان راشد میموریل ویلفیئرآرگنائزیشن کے ساتھ مل کر راشد آباد سندھ میں 150 باہمت بچوں کے لیے آغوش قائم کرے گی۔
الخدمت فاؤنڈیشن پاکستان کے صدر محمد عبدالشکور نے کہا ہم راشد میموریل آرگنائزیشن کا شکریہ ادا کرتے ہیں جو خدمت کے اس عظیم میں مشن میں ہمارے ساتھ ہیں۔محمد عبد الشکور نے کہ کہا کہ الخدمت ملک بھر بلا تفریق رنگ و نسل اور مذہب خدمت کے میدان میں سرگرم عمل ہے اور دو ادارے جو عوام کی فلاح وبہبود کے لیے کام کررہے ہیں ان کا آپس میں اکٹھے ہونا خوش آئند ہے۔
تقریب میں صدر الخدمت فاونڈیشن پاکستان محمد عبدالشکور، صدر راشد میموریل ویلفئیرآرگنائزیشن ائیر کموڈور (ریٹائرڈ) شبیر احمد خان سمیت الخدمت ذمہ داران اور دیگر افراد شریک تھے۔ تقریب کے آخر میں صدر راشد میموریل ویلفئیرآرگنائزیشن نے الخدمت کمپلیکس کا دورہ کیا اور مختلف ذمہ داران سے ملاقات بھی کی۔
