جرات و بہادری کی داستان رقم کرنے والے لانس نائیک محفوظ شہید نشان حیدر کے یوم شہادت پر انہیں خراج عقیدت پیش کیا گیا ہے۔پاک فوج کے شعبہ تعلقات عامہ کے مطابق ڈائریکٹر جنرل آئی ایس پی آر میجر جنرل بابر افتخار نے سماجی رابطے کی ویب سائٹ ٹؤئٹر پر پاک فوج کے سپوت لانس نائیک محفوظ کو شاندار طریقے خراج عقیدت پیش کیا۔
ڈی جی آئی ایس پی آر نے اپنے ٹوئٹ میں کہا کہ لانس نائیک محفوظ50 سال قبل آج کے دن وہ واہگہ بارڈرپرتعینات تھے جب دشمنوں نے حملہ کیا تو لانس نائیک محفوظ شہید نےدشمن کی خندقوں پر دلیری سے حملہ کیا اور مقابلہ کرتے ہوئے دشمن کی بندوقیں خاموش کرادیں۔ڈی جی آئی ایس پی آر نے کہا کہ لانس نائیک محفوظ شہید کے بہادرانہ اقدامات ملکی محافظوں کیلئے مشعل راہ ہیں۔
پاک بھارت معرکہ کے ہیرو شہید لانس نائیک محمد محفوظ نے 25 جون 1944 کو راولپنڈی کے پنڈ ملکاں میں پیدا ہوئے اور 1962 میں پاک فوج کی پنجاب رجمنٹ میں شمولیت اختیار کی۔لانس نائیک محفوظ نے پاک بھارت جنگ کے دوران جرات و بہادری کی نئی داستانیں رقم کیں
