سڑکوں اور گلیوں سے جمع شدہ پانی کو ڈی واٹرنگ پمپس کے ذریعے نکالاجا رہاہے

:ڈپٹی کمشنر اسلام آباد   عرفان نواز میمن نے کہا کہ حالیہ بارشوں  کے باعث  مختلف علاقوں کی  سڑکوں اور گلیوں سے جمع شدہ پانی کو ڈی واٹرنگ پمپس کے ذریعے نکالاجا رہاہے،اسلام آباد کے مختلف علاقوں میں بارش  کے  پانی کی سطح کنٹرول میں ہے۔بدھ کو   ایک بیان میں انہوں نے کہا کہ حالیہ بارشوں کے باعث  مختلف علاقوں میں متحرک ہے اور صورتحال کا جائزہ لینے کے لئے اسسٹنٹ کمشنرز ایم سی آئی عملے کے ہمراہ فیلڈ میں موجود ہیں ۔ انہوں نے کہا کہ پیشگی اقدامات کی بدولت اس وقت ای الیون ، جی نائن ، ایچ ۔13، آئی  نائین ، ایف سیون  اور جی سیون کی کچی آبادی سے گزرنے والے نالوں میں پانی کی سطح کنٹرول میں ہے،کسی بھی ایمرجنسی کی صورت میں ریسکیو ٹیمیں الرٹ  ہیں ۔ انہوں نے کہا کہ سڑکوں اور گلیوں سے جمع شدہ پانی کو ڈی واٹرنگ پمپس کے ذریعے نکالاجا رہاہے۔