روزنامہ جسارت کے ایڈیٹر انچیف، معروف کالم نگار، کراچی پریس کلب کے سینئر رکن سید اطہر علی ہاشمی کو جمعرات کے روز کراچی کے سخی حسن قبرستان میں سپرد خاک کر دیا گیا، وہ جمعرات06اگست کی صبح فجر کے وقت نیند کے دوران رضا الٰہی سے انتقال کر گئے تھے، انکی عمر74 برس تھی۔
نہوں نے سوگواران میں بیوہ اور تین بیٹے چھوڑے ہیں۔مرحوم کے ایصال ثواب کے لئے 8اگست بروز ہفتہ بعد نماز عصر تک مغرب سید اطہر علی ہاشمی کے گھر بلاک12 گلستان جوہر میں فاتحہ اور قرآن خوانی کا اہتمام کیا گیا ہے۔ سید اطہر علی ہاشمی کی نماز جنازہ جمعرات کو بعد نماز ظہر مسجد شہباز بلاک 12 گلستان جوہر میں ادا کی گئی جبکہ تدفین سخی حسن قبرستان میں ہوئی۔
نماز جنازہ میں اہل خانہ، عزیز و اقارب،سیاسی،سماجی و مذہبی جما عتوں کے رہنماؤں، سینئر صحافیوں،اخبارات کے مدیران، کاروباری شخصیات، اور صحافتی تنظیموں کے رہنماؤں اور عمائدین شہرسمیت مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔۔سید اطہر علی ہاشمی کے انتقال پر پاکستان فیڈرل یونین آف جرنلسٹ کے صدر نواز رضا‘ سابق صدر سید سعود ساحر‘ فرخ سعید خواجہ‘ پی ایف یو جے کے رہنماؤں محسن رضا خان‘ تاثیر مصطفی‘ سلیم شاہد‘ سجاد منا‘ ذولفقار علی ہاشمی‘ قاری عبدالخالق‘ نعمت اللہ خان‘ بازید خان‘پاکستان فیڈرل یونین آف جرنلسٹس (دستور) کے جنرل سیکرٹری سہیل افضل خان،کراچی یونین آف جرنلسٹس دستور کے صدر محمد ریا ض ساگر،سیکرٹری محمد عارف خان اور اراکین مجلس عاملہ، کراچی پریس کلب کے صدر امتیازخا ن فاران، سیکریٹری ارمان صابر نے گہرے دکھ اور افسوس کا اظہار کر تے ہوئے مرحوم کے اہلِ خانہ و پسماندگان سے دلی تعزیت کا اظہار کیا ہے سید اطہر علی ہاشمی 44 برس سے صحافت سے وابستہ تھے وہ نہ صرف اردو کے استاد تھے بلکہ ان لوگوں میں شامل تھے جنہوں نے نوجوانوں کی ایک بڑی تعداد کو صحافت کرنا سکھائی ہے۔ان کا شمار عرب نیوز،اردو نیوز جدہ کے بانیوں میں ہوتا تھا اس کے علاوہ وہ روزنامہ امت کے ڈپٹی ایڈیٹر انچیف بھی رہے
