ڈپٹی اسپیکرقومی اسمبلی قاسم خان سوری نے کہاہے کہ کورواناوائرس کی وجہ سے ترقی یافتہ ممالک میں لوٹ مارہوئی لیکن انسانیت کے احترام اورمسلمانوں کے جذبہ ایثارکی وجہ سے پاکستان میں ایک دکان بھی نہیں لٹی، الخدمت فاؤنڈ یشن،خدمت کے شعبہ میں سرفہرست،عبدالشکو ر کی خدمات قابل ستائش ہیں،ملک میں رشوت،کرپشن سمیت دیگربرائیاں موجود ہیں لیکن خوبیوں میں بھی ہم کسی سے کم نہیں چیرٹی سب سے زیادہ یہاں جمع ہوتی ہے۔ الخدمت فاؤنڈیشن زلزلے،سیلاب، وبائی امراض میں بے لوث خدمت کرتی ہے شہیدجلال حیدربھٹی، شہید سلیم اعوان اورکوروناریلیف کے دیگر شہداء ہمارے ہیروہیں۔70برسوں میں پاکستان اسلامی ریاست نہ بن سکی،کوشش ہے کہ قیام پاکستان کے حقیقی مقاصد کو پوراکریں ان خیالات کااظہارانھوں نے آرٹس کونسل میں صدر الخدمت فاؤنڈیشن پاکستان محمدعبدالشکورکی زیرصدارت کورونااعتراف خدمت تقریب سے خطاب کرتے ہوئے کیا۔ا س موقع پروائس چانسلرراولپنڈی میڈیکل یونیورسٹی ڈاکٹرمحمدعمر،چیئرمین ہیلتھ فاؤنڈیشن پاکستان ڈاکٹرحفیظ الرحمن، صدرراولپنڈی چیمبرآف کامرس محمدناصرمرزا،وائس چانسلرراولپنڈی ویمن یونیورسٹی ڈاکٹرعالیہ سہیل خان،صدرالخدمت فاؤنڈیشن شمالی پنجاب رضوان احمد،نمیرمدنی،نصراللہ رندھاوا، سید عارف شیرازی سمیت دیگرعہدید اران نے بھی خطاب کیا۔صدرالخدمت محمدعبدالشکورنے خطاب کرتے ہوئے کہاکہ گزشتہ چھ ماہ میں جتنی چیریٹی ہوئی وہ گزشتہ سات سال کی چیریٹی سے زیادہے،الخدمت کے معذوررضاکاروں نے بھی خدمت کی عظیم مثال قائم کی،الخدمت ویمن ونگ کی خواتین نے خطرناک ترین حالات میں شاندار ورکنگ کی ہم اس کا قرض نہیں اتارسکتے۔کورونا سے متاثرہ شہداء کے بچوں کی تعلیم سمیت ہرمدد کریں گے۔
