الخدمت فاؤنڈیشن پاکستان اور یونیورسٹی آف ہیلتھ سائنسز کے مابین مفاہمتی یادداشت پر دستخط ہو گئے۔ معاہدے کی رُو سے پنجاب بھر سے الخدمت فاؤنڈیشن کے ذمہ داران، ملازمین اور رضاکار مرکزی ادارہ صحت کے تحت جاری کینسینوکورونا ویکسین کے ٹرائلز میں یونیورسٹی آف ہیلتھ سائنسزکے ذریعے رضاکارانہ طور پر حصہ لیں گے۔مرکزی نائب صدر الخدمت فاؤنڈیشن ڈاکٹر محمد مشتاق مانگٹ اوروائس چانسلریونیورسٹی آف ہیلتھ سائنسز پروفیسر ڈاکٹر جاوید اکرم نے یوایچ ایس میں معاہدے کی دستاویز پر دستخط کیے۔اس موقع پر ڈاکٹر محمد مشتاق مانگٹ نے کہا کہ معاہدے کا مقصد حکومتی سطح پر جاری کورونا ویکسین کے ٹرائلزکوجلد از جلدمکمل کرنے میں معاونت فراہم کرنا ہے۔ضرورت پڑنے پر ملک کے دیگر حصوں سے بھی رضاکار پیش کئے جائیں گے۔اس دوران ڈاکٹرمحمد مشتاق مانگٹ نے وائس چانسلر کو کورونا وبا کے دوران الخدمت کی سرگرمیوں کے حوالے سے مرتب کی گئی رپورٹ بھی پیش کی۔منیجنگ ڈائریکٹر الخدمت ہیلتھ فاؤنڈیشن سفیان احمد خان اورہیڈ آف ہیماٹالوجی ڈیپارٹمنٹ یونیورسٹی آف ہیلتھ سائنسز ڈاکٹر آصف نوید بھی موقع پرموجود تھے
