اسلام آباد میں ٹریفک حادثے میں 4 افراد جاں بحق جب کہ 11زخمی ہوگئے۔ تفصیلات کے مطابق اسلام آباد میں پولیس ہیڈ کوارٹرز موڑ پر ایک تیز رفتار کوسٹر اور پک اپ میں تصادم کے نتیجے میں میں 4 افراد جاں بحق اور 11زخمی ہوگئے حادثہ تیز رفتاری کے باعث پیش آیا جس کے نتیجے میں تصادم کے بعد تیز رفتار کوسٹر فٹ پاتھ پر چڑھ گئی ، حادثے میں زخمی ہونے والے افراد کو اسلام آباد کے پمزہسپتال منتقل کردیا گیا۔
دوسری طرف پاک فوج کے شعبہ تعلقات عامہ آئی ایس پی آر کی جانب سے ایک افسوسناک خبر دی گئی ہے۔
بتایا گیا ہے کہ گلگت کے علاقے منی مرگ میں پاک فوج کے پہلی کاپٹر کو افسوسناک حادثہ پیش آیا ہے ، فوجی ہیلی کاپٹر میں شہید سپاہی کا جسد خاکی منتقل کیا جا رہا تھا ، اس دوران ہیلی کاپٹر فنی خرابی کے باعث کریش کر گیا۔
بتایا گیا ہے کہ ہیلی کاپٹر شہید سپاہی عبدالقدیر کی میت لے کر سی ایم ایچ اسکردو جا رہا تھا ، سپاہی قدیر کامری سیکٹر میں برفانی تودے کی زد میں آ کر شہید ہوئے تھے ، ہیلی کاپٹر میں سوار پاک فوج کے 2 میجر اور 2 سپاہی جام شہادت نوش کر گئے، شہید ہونے والوں کی شناخت پائلٹ میجر محمد حسین ، معاون پائلٹ میجر ایاز حسین، نائیک انضمام عالم اور سپاہی محمد فاروق کے نام سے ہوئی ہے، شہید میجر ایاز کا تعلق کراچی کے علاقے ملیر سے ہے جبکہ میجر حسین شہید اسکردو کے علاقے خپلو کے رہائشی تھے ، جب کہ نائیک انضمام کا تعلق چکوال اور سپاہی فاروق شہید ساہیوال کے رہائشی تھے۔
